スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

花より男子ファイナル

終於都等到花男電影版上
其實佢應該係28號上
如果唔係因為要上日文,
我應該28號就去左戲院睇

呢個可以算係劇集版ge happy ending
由頭到尾都係道明寺同杉菜做主角
我最鍾意ge喵喵花澤類竟然唔係出得好多
(請唔好誤會我鍾意嵐就會鍾意松本潤)
不過點解洋洋同tata都係鍾意道明寺仲要話佢可愛
藤木直人ge客串又係超型仔....真係好鬼鍾意佢
一度ge街市場面竟然係北角街市
好彩拍果場戲果個係阿部力
如果係喵喵同matsujun我一定喊死左

我唸我應該會買dvd如果佢出的話
如果有人想睇返drama我可以燒呀
因為drama1, 2輯都有dl晒

呢個係0係戲院影ge呢
DSC00636.jpg
スポンサーサイト

花より男子


cover1_convert_20080727222058.jpg



我迷上了花男,迷上了喵喵
haha!!!!請搞清楚花男是"花樣男子"(即日版流星花園)不是"花樣少年少女"

知道8月尾要香港要上電影版.......超想睇, 但還未看過劇集
所以一口氣dl了第一,二輯 ,也一口氣看完
實在係太正啦

其實日版跟台版的地方一半半杷同
但劇情方面日版好看多了 (我對台版的記憶太模糊啦)

選角方面就真的見仁見智了

道明寺 - 松本潤 v.s. 言承旭道明寺是個自大狂莽的傢伙,
但面對杉菜的感情
其實是個單純到不行的小男生
我本人其實對道明寺這個角色沒有太大好感
就松本潤而言,他的樣子是不太討好(他曾經是的最討厭的J家人物之一,雖然發展成現在我也會有看他演的劇), 但他是能演出我說的那種感覺
就言承旭而言, 我看台版時也是不太喜歡他(後來喜歡他的原因劇集無關, 要知的人已經知道)
以外形來說是OK的,但演出來就只是一個霸氣傢伙,暴龍果然是暴龍

花澤類 - 小栗旬 v.s. 周渝民
文質彬彬的貴公子,一直喜歡藤堂靜,
到第2輯喜歡杉菜。從頭開始的時候已經為杉菜解圍
我本人其實係鍾意花澤類多過道明寺,
從仔仔到喵喵(小栗旬)我都係覺得花澤類先係我杯茶
不過我個人更加鍾意喵喵做的花澤類,
因為他的一個笑容絕對係療傷系.....呢d先叫花樣男子架嘛

其實台版好似對西門都美作ge角色沒有交代太多,相對地日版好似豐富d
西門 - 松田翔太 v.s. 朱孝天
點睇都係松田翔太好D啦......日版係有講西門係茶道世家,
雖然係花花公子,但係一直都有一個令佢不能忘懷的青梅竹馬
台版只係在第一輯的最後交代過佢同小優的一段感情
不過同日版就不太一樣

美作 - 阿部力 v.s. 吳建豪
都係台版沒有交代, 美作家族係道老大
不過日版交代得比較細緻係佢在F4入面係充當和事佬的角色

杉菜 - 井上真央 v.s. 徐熙媛
haha......這個嘛.......還是小真央比較可愛,
大S嘛.....就係老左D lor

其實日版同台版在人物上都有好多唔同
日版有道明寺的家姐(松嵨菜菜子)而台版無
不過呢個角色對於杉菜同道明寺的關係係好有幫助
同埋菜菜子真係好靚好elegant呀

宜家煲晒好寂寞,好想快d 8/28到
我要睇 花より男子ファイナル

最期待->最不想看日劇 : LAST FRIENDS

Sunday,_18_May,_2008_convert_20080518204940


今季日劇本來有好多套都好期待
esp係我老公-錦戶亮有兩年無拍劇
我一定要追啦.....
不過呢個係一個惡夢的開始


last friends - 以同性戀, 懷孕, 暴力 等年輕人不能言語的煩惱為題材


未開播前的發佈會,
我老公第一句係 : "接到劇本的第一個反應 :"我究竟係唔係johnny's""
因為他是要演DV男
DV是甚麼????
DV- domestic violence
他說過要令全國女性討厭而有所警

不過錦戶亮, 你成功了
看過last friends的人(不是一個係好幾個)會對我說
katherine, last friends好好睇呀, 不過你老公好變態呀
所以我真的不想看
宜家日本播到第6集
但係我只係睇到第3集
所以任何遲過我開始的人都絕對會睇得比我快

不過我宜家要重申一點
我老公雖然不是甚麼乖孩子, 但係一定唔係變態
變態果個係及川宗佑
我老公叫錦戶亮
我真係好想宗佑個死變態快d死

我唔想睇啦



花樣少年少女 v.s.花ざかりの君たちへ

index_02.jpg
hana kimi



前言
這個post本來舊年暑假看完台版花樣便要打,
不過去左日本之後又都無打啦
之後睇晒日版花樣我都係唸住打架....
不過都係得個唸啦
終於連無線都要播啦~咁就打左佢啦


正文
故事係講女主角為左見佢鍾意的跳高選手再一次跳高,
由美國轉校返日本讀書,佢女扮男裝轉左去同男主角同校
成個劇集就係講佢0係呢間男校發生的事

人物

蘆屋瑞稀-堀北真希 v.s. 盧瑞稀-Ella (SHE)
唔知點解好多人都唔鍾意ella所以唔睇花樣
但係我prefer ella多過堀北...可能佢都係太女仔樣....同埋我本身對佢麻麻啦

左野泉-小栗旬 v.s. 左以泉-吳尊 (飛輪海)
呢兩個都係好高ge人, 好岩做個角色......最初有傳呢個角色係我老公做....但係我老公真係唔係太岩做lor.......矮
小栗做起上黎比吳尊cool
我都係睇完呢套先鍾意吳尊.....死顏飯

中津秀一-生田斗真 v.s. 金秀伊-汪東城(飛輪海)
呢個角色兩個做我都鍾意
真係好搶眼
作為J家一份子, 斗真呢期紅啦

難波南-水嶋ヒロ v.s. 梁思南-唐禹哲
南學長呢個花花公子
當初我睇花樣覺得水嶋唔夠靚仔lor....都係唐禹哲好d....有返d花花公子樣, 但係點解我身邊的人都覺得唐禹哲唔ok ge????

梅田老師
日版同台劇我一定推台劇的唐治平
因為佢真係好有基佬feel同埋做得超正

後記
可能先入為主, 我鍾意睇台版多d
但係台版同日版入面好多細節其實都唔同
同埋台版後面係拖長黎做
日版最鍾意的部份係原著人物的姓氏係用大阪地方名.....我最愛的大阪
雖然台版有傳今年有播續集
但係日版SP係confirm一定會播....好期待呢

一瞬の風になれ

IS-title.jpg




期待以久我小情人復出的第一套劇集---"一瞬の風になれ"

我小情人(內博貴)飾演的神谷鄗二一直以被別人稱為足球界新星的哥哥為目標,
但因為能力上不及哥哥所產生的挫折感令佢入讀高中的時候改為向田徑方面發展的故事
而我老公就係新二果個哥哥啦

由於無字幕的關係.....呢套special drama的字幕版係比較難搵仲要搵到download唔到
所以唯有用我有限公司的日文睇晒4集

呢套除左係我小情人復出的第一套drama外仲係"がんばって生きましょう"後佢地的共演
當年"がんばって生きましょう"只係播左4集小內就出左事
之後佢個角色就由我唔多鍾意KAT-TUN的田口代左
時至今日我都係無睇過呢套劇

當年"がんばって生きましょう"我小情人同老公係同學
今日佢地係做兄弟
咁本來0係年紀上佢地都係做兄弟ge
不過呢兩年我老公個樣真係老左好多
正如Catherine話我老公d眼紋出晒黎

睇完呢套drama我覺得我真係變左心啦
當年我係鍾意小內多d
點睇佢都都係高大靚仔....呢我連我老婆仔都認同
不過比起3年前我宜家係鍾意亮多過我小內架
錦戶亮, 你其實係唔係黎搶內博貴d客架???


IS-RU2.jpg



為左令大家分清楚
左邊果個靚仔係我等左差唔多3年先返出黎的小情人-內博貴
右邊果個就係我成日都題住兩團走的老公-錦戶亮





プロフィール

桜葉

Author:桜葉
由来:中学5年とき、嵐の櫻井君と相葉君が好きになって、この名前を取った。
ジャニース歴:2000年1月から
好きだと好きだったジャニース:堂本剛、櫻井翔、相葉雅紀、タッキー、亀梨和也、内博貴、錦戸亮

最近の記事

最近のコメント

最近のトラックバック

月別アーカイブ

カテゴリー

ジャニーズ最新情報

ブロとも申請フォーム

占い

【ハンゲーム】ゲームパックブログパーツ

ブログ内検索

リンク

上記広告は1ヶ月以上更新のないブログに表示されています。新しい記事を書くことで広告を消せます。